દિવસ છે ચારસો ને ઋષભજીનો વારસો,
એવા મારા વરસીતપનાં પારણે પધારશો વૈશાખી
ત્રીજ તમે હૈયે અવધારજો… દિવસ છે…
નગરી નગરી દ્વારે-દ્રારે આદેશ્વરજી વિચર્યાંતા,
ખાલી ખાલી પાછા ફરતા ઉપવાસોને ઉચર્યાતા.
પહેલા તપસ્વી ઋષભજીને માનશો એવા વરસીતપનાં… (૧)
ઈક્ષુરસની બે હોઠે ઋષભજી સ્પર્ધા છે,
ત્યાર પછી આ શેરડી રસમાં પ્રેમ-અમીરસ વરસ્યા છે.
મધમીઠાં કળશોને વહેલા પધરાવશો,
એવા મારા વરસીતપનાં… (૨)
મેં તો મારા ઋષભજીનાં નામે પગલું માંડયું છે,
એક વરસને એક માસ આ નામ પ્રાણથી બાંધ્યું છે.
,શ્રેયાંસરાજા બની પારણું કરાવશો, એવા મારા વરસીતપનાં… (૩)
અક્ષયતૃતીયાનો આ દિવસ ભક્તિથી ભરપૂર છે,
થાય જો મારો વરસીતપ તો જન્મારો મંજૂર છે.
પારણું કરાવી પુણ્ય-ઉદય પ્રગટાવજો,
એવા મારા વરસીતપનાં… (૪)
