ऊर्ध्वाधरयुतं सबिन्दु-सपरं, ब्रह्मस्वरावेष्टितं,
वर्गापूरित-दिग्गताम्बुजदलं, तत्सन्धि-तत्त्वान्वितम् ।
अन्तःपत्रतटेष्वनाहतयुतं, ह्रींकारसंवेष्टितं,
देवं ध्यायति यः स मुक्तिसुभगो, वैरीभकण्ठीरवः ॥
ॐ ह्रीं श्रीसिद्धचक्राधिपते सिद्धपरमेष्ठिन् अत्र अवतर अवतर संवौषट्।
ॐ ह्रीं श्रीसिद्धचक्राधिपते सिद्धपरमेष्ठिन् अत्र तिष्ठ तिष्ठ ठः ठः ।
ॐ ह्रीं श्रीसिद्धचक्राधिपते सिद्धपरमेष्ठिन् अत्र मम सन्निहितो भव भव वषट् ।
अनुष्टुप्
निरस्तकर्मसम्बन्धं सूक्ष्मं नित्यं निरामयम्
वन्देऽह परमात्मानममूर्तमनुपद्रवम् ॥
सिद्धयन्त्रस्थापनम्
वसन्ततिलका
सिद्धौ निवासमनुगं परमात्मगम्यं, ‘हान्यादिभावरहितं भववीत-कायम् ।
रेवापगावरसरोयमुनोद्भवानां, नीरैर्यजे कलशगैर्वर-सिद्धचक्रम् ॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने जन्मजरामृत्युविनाशनाय जलं निर्वपामीति स्वाहा ।
आनन्दकन्दजनकं घनकर्ममुक्तं, सम्यक्त्वशर्मगरिमं जननार्तिवीतम्।
सौरभ्यवासित-भुवं हरि-चन्दनानां, गन्धैर्यजे परिमलैर्वर – सिद्धचक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने भवातापविनाशनाय चन्दनं ।
सर्वावगाहनगुणं सुसमाधिनिष्ठं सिद्धं स्वरूपनिपुणं कमलं विशालम्।
सौगन्ध्यशालिवन-शालिवराक्षतानां, पुष्पैर्यज शशि-निभैर्वर-सिद्धचक्रम्।।
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने अक्षयपदप्राप्तये अक्षतान् ।
नित्यं स्वदेह- परिमाणमनादिसंज्ञं, द्रव्यानपेक्षममृतं मरणाद्यतीतम्।
मन्दारकुन्द-कमलादि-वनस्पतीनां, पुत्रैर्यजे शुभतमैर्वर-सिद्धचक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने कामबाणविध्वंसनाय पुष्पं ।
ऊर्ध्वस्वभाव-गमनं सुमनोव्यपेतं, ब्रह्मादि-बीज सहितं गगनावभासम्।
क्षीरान्न-‘प्राज्य-वटकै, रसपूर्णगर्भैर्नित्यं यजे चरुवरैर्वर-सिद्धचक्रम्॥
ॐ ह्रीं णमो सिद्धाणं सिद्धपरमेष्ठिने क्षुधारोगविनाशाय नैवेद्यं।
पश्यन्समस्त-भुवनं युगपन्नितान्तं, त्रैकाल्य वस्तु-विषये निविड- प्रदीपम्।
कर्पूर-वर्ति बहुभिः कनकावदातैर्दीपैर्यजे रुचिवरैर्वर-सिद्धचक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने मोहान्धकारविनाशाय दीपं ।
आतङ्क – शोक-भय-रोग-मद- प्रशान्तं, निर्द्वन्द्व-भाव-धरणं महिमा-निवेशम्।
सद्द्रव्य-गन्ध-घनसार – विमिश्रितानां, धूपैर्यजे परिमलैर्वर-सिद्धचक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने अष्टकर्मदहनाय धूपं ।
सिद्धासुराधिपति-यक्ष-नरेन्द्र चक्रैर्थ्येयं शिवं सकल-भव्य-जनैः सुवन्द्यम्।
नारिङ्ग – पूग-कदलीफल-नारिकेलैः, सोऽहं यजे वरफलैर्वर-सिद्धचक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने मोक्षपदप्राप्तये फलं ।
शार्दूलविक्रीडितम्
गन्धाढ्यं सुपयो- मधुव्रत-गणैः सङ्गं वरं चन्दनं,
पुष्पौघं विमलं सदक्षत-चयं रम्यं चरुं दीपकम्।
धूपं गन्धयुतं ददामि विविधं श्रेष्ठं फलं लब्धये,
सिद्धानां युगपत्क्रमाय विमलं सेनोत्तरं वाञ्छितम्॥
ॐ ह्रीं णमो सिद्धाणं वसन्ततिलका श्रीसिद्धचक्राधिपतये सिद्धपरमेष्ठिने अनर्घपदप्राप्तयेऽर्घं
ज्ञानोपयोगविमलं विशदात्मरूपं, सूक्ष्म-स्वभाव-परमं यदनन्तवीर्यम्
कर्मोंघ-कक्ष-दहनं सुख-सस्य-बीजं, वन्दे सदा निरुपमं वर-सिद्ध-चक्रम्॥
ॐ ह्रीं णमो सिद्धाणं श्रीसिद्धचक्राधिपतये सिद्धपरमेष्ठिने महार्घं निर्वपामीति स्वाहा ।
शार्दूलविक्रीडितम्
त्रैलोक्येश्वर- वन्दनीय-चरणाः प्रापुः श्रियं शाश्वतीं,
यानाराध्य निरुद्ध-चण्ड-मनसः सन्तोऽपि तीर्थङ्कराः
सत्सम्यक्त्व – विबोध – वीर्य विशदाव्याबाधताद्यैर्गुणै-
युक्तांस्तानिह तोष्टवीमि सततं सिद्धान् विशुद्धोदयान्॥
पुष्पाञ्जलिं क्षिपेत्
जयमाला
विराग सनातन शान्त निरंश, निरामय निर्भय निर्मल-हंस|
सुधाम विबोध-निधान विमोह, प्रसीद विशुद्ध सुसिद्ध-समूह ॥१॥
विदूरित-संसृति-भाव निरङ्ग, समामृत-पूरित देव विसङ्ग।
अबन्ध कषाय-विहीन विमोह, प्रसीद विशुद्ध सुसिद्ध-समूह ॥२॥
निवारित-दुष्कृत-कर्म-विपाश, सदामल-केवल-केलिनिवास।
भवोदधि-पारग शान्त विमोह, प्रसीद विशुद्ध सुसिद्ध-समूह ॥३॥
अनन्त सुखामृतसागर धीर, कलङ्क – रजो – मल-भूरि-समीर।
विखण्डित-काम विराम विमोह, प्रसीद विशुद्ध सुसिद्ध-समूह ॥४॥
विकारविवर्जित तर्जितशोक, विबोध-सुनेत्र विलोकितलोक।
विहार विराव विरङ्ग विमोह, प्रसीद विशुद्ध सुसिद्ध-समूह ||५||
रजोमल-खेद-विमुक्त विगात्र, निरन्तर नित्य सुखामृतपात्र।
सुदर्शन-राजित नाथ विमोह, प्रसीद विशुद्ध सुसिद्ध-समूह || ६ ||
नरामर वन्दित निर्मलभाव, अनन्त-मुनीश्वर-पूज्य विहाव।
सदोदय विश्वमहेश विमोह, प्रसीद विशुद्ध सुसिद्ध-समूह ||७||
विदम्भ वितृष्ण विदोष विनिद्र, परात्पर शङ्कर सार वितन्द्र।
विकोप विरूप विशङ्क विमोह, प्रसीद विशुद्ध सुसिद्ध-समूह ॥८॥
जरा-मरणोज्झित वीतविहार, विचिन्तित निर्मल निरहङ्कार।
अचिन्त्य – चरित्र विदर्प विमोह, प्रसीद विशुद्ध सुसिद्ध-समूह ||९||
विवर्ण विगन्ध विमान विलोभ, विमाय विकाय विशब्द विशोभ।
अनाकुल केवल सार्व विमोह, प्रसीद विशुद्ध सुसिद्ध समूह ||१०||
ॐ ह्रीं क्षायिकसम्यक्त्व – अनन्तज्ञान- अनन्तदर्शन- अनन्तवीर्य अगुरुलघुत्व- अवगाहनत्व- सूक्ष्मत्व-निराबाधत्वगुणसम्पन्न श्रीसिद्धचक्राधिपतये सिद्धपरमेष्ठिने महार्घं निर्वपामीति स्वाहा ।
मालिनी
असम-समयसारं चारु चैतन्य चिह्न,
पर परिणति मुक्तं पद्मनन्दीन्द्र वन्द्यम् ।
निखिल गुण- निकेतं सिद्धचक्रं विशुद्धं,
स्मरति नमति यो वा स्तौति सोऽभ्येति मुक्तिम् ॥११॥
इत्याशीर्वादः
- ये भी पढे: सिद्धपूजा (भावाष्टक) हीराचंद जी, सिद्ध पूजा (भाषा) द्यानतराय
- ये भी पढे: जैन सप्तर्षि पूजा Saptarishi Pooja
- ये भी पढे: Shree Mahaveer Swami Jin Pooja
- ये भी पढे: जैन सुगन्ध दशमी | Sugandha Dashami Vrat Pooja
Note
